ភ្នំពេញ៖ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់បានត្រាស់បង្គាប់តែងតាំងមុខតំណែង និងផ្តល់ឋានៈដល់លោក កេង សុម៉ារិទ្ធ រដ្ឋលេខាធិការក្រសួងយុត្តិធម៌ ទៅជាអគ្គលេខាធិការ នៃអគ្គលេខាធិការដ្ឋានគណៈកម្មាធិការដឹកនាំការកែទម្រង់ប្រព័ន្ធយុត្តិធម៌ មានឋានៈស្មើនឹង រដ្ឋមន្រ្តី។ 

នៅក្នុងព្រះរាជក្រឹត្យនោះដែរ ព្រះមហាក្សត្រនៃព្រះរាជាណាចក្រកម្ពុជា ទ្រង់ក៏បានត្រាស់បង្គាប់តែងតាំងអគ្គលេខាធិការរងនៃអគ្គលេខាធិការដ្ឋានគណៈកម្មាធិការដឹកនាំការកែទម្រង់ប្រព័ន្ធយុត្តិធម៌ចំនួន ៣ រូបផងដែររួមមាន៖

១. លោកស្រី សុង ឆវ័ន្ត ជាអគ្គលេខាធិការរង មានឋានៈស្មើរដ្ឋលេខាធិការ

២. លោក ឃ្លោក ដារ៉ា ជាអគ្គលេខាធិការរង មានឋានៈស្មើរដ្ឋលេខាធិការ

៣. លោកស្រី ឌី ម៉ូឡានី ជាអគ្គលេខាធិការរង មានឋានៈស្មើអគ្គនាយក៕